Хорыбон у уалдзыгон куыстыты райдайæн бæрæгбон (кæс Хоры бон). Стыр ахадындзинад ын уыди ирон адæмы фыдæлты царды. Бæрæгбонæн уыди цалдæр номы: «Зæхмæ бавналæн бон», «Нæмыгхæссæн бон», «Хоры Уациллайы куывд». 
Бæрæгбон вæййы, Комбæттæнæй дæс боны куы рацæуы, уæд. Хъæубæстæ кодтой иумæйаг куывд, фæлæ уымæй уæлдай алы бинонтæ дæр сæ хæдзæртты куывтой æртæ чъирийæ. Адæм-иу æрæмбырд сты бæрæг ранмæ æмæ-иу иннæ азæн куывды лæг равзæрстой. Куывды фысым чи уыд, уыдон-иу, хъæумæ хæстæгдæр цы зæххы гæппæл уыд, уырдæм ацыдысты. Зæххы гæппæлыл-иу дзывырæй æртæ зылды æркодтой, куывды лæгæн кæй авзæрстой, уый-иу дзы хор байтыдтæ Скуывтой-иу хуыцаумæ, Уацилламæ, иннæ зæдтæм æмæ-иу хъæумæ, куывдмæ æрбацыдысты... 
Хистæрмæ сыкъа радтой æмæ скуывта Хуыцаумæ, хъæубæсты бафæдзæхста Уациллайыл, ног хуымзæххы цы гага ныппарой, уый куыд фæрæстмæ уа, фæззæг хъæздыг тыллæг куыд сисой, чындзæхсæвтæ, чызгæрвыстытæ, куывдтæ куыд кæной. 
Фæстагмæ лæппуты рдæм разылд: 
– Цы курут, лæппутæ? 
– Хор, хор, хор! 
– Цы курут, лæппутæ? 
– Хоры Уациллайæ хор курæм. 
Фидæн аз куывд кæмæ уыдзæн, уымæн ацаходын кодтой, йæ сæрыл ын, цы сæм и – быламыхъ кæнæ къуымæл, уый парахатæй рауагътой. Уыцы рæстæг хистæр кувæгау дзуры: ацы къуымæл (быламыхъ) куыд парахатæй кæлы, афтæ парахат уæд хор, афтæ бæркадджын уæнт аз-азы дæргъы, афæдзæй афæдзмæ. 
Фидæны куывды фысымæн-иу хæдзармæ арвыстой æртæ чъирийы, нозт, кусартæй кувæггаг. Хуыцау æмæ-иу æй Йе сконд зæдтыл бафæдзæхстой. 

Праздник в честь начала весенних работ – имел огромное значение в жизни наших предков (см. Хоры бон). Недаром его называли «День прикосновения к земле», «День хлеба», «День покровителя хлебных злаков Уацилла». 
Праздник начинался через 10 дней после Комбаттана. Устраивался общесельский кувд, но помимо этого в каждом доме делали три пирога. Кувд начинался с избрания куывды лæга, ответственного за проведение следующего кувда, после чего будущий куывды лæг и нынешний распорядитель отправлялись на специально отведенный участок поля и проводили три борозды, которые куывды лæг тут же засевал, вознося молитвы Богу, Уацилла и другим дзуарам. И лишь затем, по возвращении в село, устраивали пиршество. 
Старейшина с рогом араки или пива возносил молитву Богу, препоручал всю сельскую общину Уацилла, с тем, чтобы он одарил их осенью богатым урожаем, обильным и достаточным для проведения кувдов и свадеб. По окончании молитвы он обращался к юношам и мальчикам: 
– Что просите, ребята? 
– Хлеба! Хлеба! Хлеба! 
– Что просите, ребята? 
– У Уацилла хлеба просим! 
Дав отведать Кувæггаг будущему Фысыму, выливали ему на голову квас или брагу, высказывая при этом пожелание, чтобы будущий урожай был так же обилен, как обильно льется эта брага (квас). Ему же посылали домой три пирога, выпивку, куваггаг от жертвенного животного, поручали его покровительству Бога и созданных Им дзуаров.